Feeds:
Beiträge
Kommentare

Posts Tagged ‘eine Frage’

Von Cilli Martin op Kölsch:

En pingelige Frog

Möd vun der Arbeit heimgeschluff,

setz sich der Vatter en de Stuvv.

Doch us der Rauh, do weed nit vill.

Sing Puute höre op mem Spill.

Schleeßlich eß Chreßdag nit mih wick,

Geschenke kaufe an der Zick,

un sing Trabante sin nit bang.

Se beddele ald wochelang.

Zoeesch kütt an jetz singe Stropp

un schwaf im raderdoll der Kopp:

„Vum Chreßkind, Pap, ich wünsche meer,

no paß och op, ich sagen deer:

e Telespill, en Iserbahn

met allem wat su dröm un dran,

Paar Schlettschohn un e Rennrad noch …!“

Do bröllt dat Schwesterche: „Ich och!

Un ich mööch noch e Pöppche han

dat laufe un och spreche kann,

un de Rekorder eß kapott.

Dann kütt dat ahle Dinge fott.“

De Mutter wünsch en Pelzkapp sich,

dozo ne Mantel, dä ehr glich.

Jetz pack dä ärme Mann de Wot.

Hä schreit dozwesche: Zappermot!

No saht meer ens, sid doch su nett,

wä eigentlich Gebootsdag hät?“

Advertisements

Read Full Post »

%d Bloggern gefällt das: